Carlos Ferreira

Carta a ua mai que nun sabie ler

(mirandés) CARTA A UA MAI QUE NUN SABIE LER

To las cartas a ua mai que nun sabe ler son

Sien jeito.

Nun serien cartas a ua mai que nun sabe ler se nun fússen

Sien jeito.

 

Tamien you screbi cartas a mie mai que nun sabie ler,

Cumo to las outras,

Sien jeito.

 

Las cartas a ua mai que nun sabe ler, se mai houbo,

háden ser

Sien jeito.

 

Mas, afinal,

Solo las criaturas que nunca screbírun

Cartas a ua mai

Ye que son

Sien jeito.

 

Quien me dira ne l tiempo an que screbie

Sien dar por esso

Cartas a mie mai que nun sabie ler

Sien jeito.

 

La berdade ye que hoije

Las mies mimórias

Dessas cartas a ua mai que nun sabie ler

Ye que son

Sien jeito.

 

(To las palabras sdrúxulas,

Cumo ls sentimientos sdrúxulos,

Son naturalmente

Sien jeito).

 

Carlos Ferreira 2020 adaptado de l poema “Todas as cartas de amor são” de Álvaro de Campos

Nota final: mie mai nunca me screbiu cartas, mas DITOU muitas a outros que las screbírun i q’apuis eilha metiu ne l correio.

 

(português) CARTA A UMA MÃE QUE NÃO SABIA LER

Todas as cartas a uma mãe que não sabe ler são

Sem jeito.

Não seriam cartas a uma mãe que não sabe ler se não fossem

Sem jeito.

 

Também eu escrevi cartas à minha mãe que não sabia ler,

Como todas as outras,

Sem jeito.

 

As cartas a uma mãe que não sabe ler, se mãe houve,

Têm de ser

Sem jeito.

 

Mas, afinal,

Apenas as criaturas que nunca escreveram

Cartas a uma mãe

É que são

Sem jeito.

 

Quem me dera no tempo em que escrevia

Sem dar por isso

Cartas à minha mãe que não sabia ler

Sem jeito.

 

A verdade é que hoje

As minhas memórias

Dessas cartas a uma mãe que não sabia ler

É que são

Sem jeito.

 

(Todas as palavras esdrúxulas,

Como os sentimentos esdrúxulos,

São naturalmente

Sem jeito).

Nota final: a minha mãe nunca me escreveu cartas, mas DITOU muitas a outros que as escreveram e que depois ela meteu no correio.

Foto de Carlos Ferreira

---