La sposiçon \\\"Trás-ls-Montes: Tones i Poesie\\\", de la pintora mirandesa Balbina Mendes, fui l eibento scolhido pa leinauguraçon de la Casa de la Cultura de Miranda de l Douro, an ne passado die 10 de Júlio. Situada an la Rue Mouzinho da Silveira, an ne centro stórico de la cidade de l Praino Mirandés, la Casa de la Cultura pormete traier muitos mais eibentos culturales a esta region.
Leinauguraçon tubo la perséncia de l Menistro de las Cidades, Ourdenamiento de l Território i de l Ambiente, Arlindo Cunha. Tamien fui apersentado l purmeiro Dicionairo de la Lhéngua Mirandesa eiditado an papel. L sou outor ye l cura Moisés Pires, dInfainç. Ademais, fúrun apersentados dous nuobos CDs de Música Tradicional Mirandesa.
Fui un amportante eibento de pormoçon de la Lhéngua i Cultura Mirandesas, anque ls cumbites ambiados pula Cámara Munecipal de Miranda de l Douro stubíssen screbidos an la lhéngua fidalga.
La sposiçon stará abierta al pobo até l próssimo die 31 dAgosto dastanho, tols dies antre las 9 (nuobe) horas de la manhana i las 10:30 (dieç i meia) de la nuite. Puode-se sacar mais anformaçones subre esta sposiçon pul númaro de telfone 273 432 895.
