La lhéngua mirandesa bai a amuostrar-se ne l Nordeste de l Brasil. NOunibersidade Federal de l Stado de Rio Grande do Norte, na cidade de Natal, l studioso de l mirandés Antonho Bárbolo Alves bai a palrear subre la lhiteratura oural mirandesa. Ua de las rezones pra esta besita de l mirandés a tierras brasileiras ye que tamien nesta region inda hai muitos cuntadores de stórias, sien cuntar cun ls repentistas i outros mestres de louralidade. La cunfréncia antitula-se justamente «La lhiteratura oural mirandesa: actualidade i outelidade». Antonho Bárbolo bai subretodo a falar de ls cuntos, de l papel que tubírun na Tierra de Miranda i de l papel que inda puoden benir a tener.
La cunfréncia bai a tener lhugar hoije, die 9 dAbril de 2003, a las quatro de la tarde.
