Carlos Ferreira

Carlos Ferreira

Rota de la strada nacional 103

(mirandés) ROTA DE LA STRADA NACIONAL 103

Pul mundo afuora hai bariadíssimas Stradas cun percursos zlhumbrantes. La mais eicónica, ye siguramente la “Route 66” ne ls Stados Ounidos d’América, que lhiga la cidade de Chicago ne l Stado de Illinois na cuosta Atlántica, a la cidade de Santa Mónica ne l Stado de la Califórnia, na cuosta Pacífica, nua stenson total de 4000 Km.

An Pertual l purmeiro caso mediatizado fui la Strada Nacional 222, que lhiga Almendra ne l cunceilho de Bila Nuoba de Foç Coua, serpenteando l Douro, até Bila Nuoba de Gaia, nua stenson total de 226 Km. L cacho mais amblemático situa-se antre Peso de la Régua i Pinhon, habendo quien lo classifique, cumo la “Strada mais galana de l Mundo”.

Ultimamente ten ganho notoriedade i promoçon, la Strada Nacional 2, que nua stenson de 740 Km, lhiga Chabes a Faro, rachando Pertual al meio de riba a baixo.

I porque neste tiempo de çcunfinamento se çcute la retoma de l setor de l turismo, sublinhando-se muito la grande ouportunidade d’ancrementar bisibilidade als territórios de l interior, dada la sue maior sigurança sanitária, debida sobretodo a la sue baixa densidade demográfica, querie çpertar l’atençon pa l potencial q’ancerra la Strada Nacional 103. Pul Norte, stende-se antre Bergáncia i l Atlántico minhoto, mas cuja rota nós poderiemos zenhar, antre l puonto mais ouriental de Pertual ne l cunceilho de Miranda do Douro, i l Ouceano Atlántico an Neiba, ne l cunceilho de Biana do Castelo, cun ua stenson total de cerca de 300 Km, que lhieba cinco horas de biaige a la belocidade legal: tanto se podendo fazer d’acá para lhá, cumo d’alhá par’acá!

Atrabessa ls çtritos: Bergáncia, Bila Real, Braga i Biana do Castelo.

Las Cumunidades Antermunicipales: Tierras de Trás-ls-Montes, Alto Támega, Abe, Cábado, Alto Minho.

Ls Municípios: Miranda de l Douro, Bumioso, Bergáncia, Binhais, Balpaços, Chabes, Boticas, Montalegre, Bieira de l Minho, Póboa de l Lanhoso, Bila Berde, Braga, Barcelos, Sposende i Biana do Castelo.

Las Áreas Protegidas: Reserba UNESCO de la Biosfera Transfrunteiriça Meseta Eibérica, Parque Natural de l Douro Anternacional, Parque Natural de Montesino, Reserba UNESCO de la Biosfera Transfrunteiriça Gerés-Xurés, Parque Nacional de la Peneda Gerés, Parque Natural de l Lhitoral Norte.

Ls Rius: Douro, Angueira, Maçanas, Sabor, Baceiro, Tuela, Rabaçal; Támega; Beça, Rabagon, Cábado, Neiba.

Lhadeia las Sierras: Montesino, Padrela, Lharouco, Gerés

Ye esta la berdadeira Strada de la Natureza Pura de la cucruta de Pertual, adonde las curbas an U i respetibas contracurbas nunca s’acában. Adonde ls balhes flubiales cun rius d’auga cristalina ne l fondo, altérnan culas bistas lhargas de las cucrutas de las sierras. Tanto para fazer de mota, cumo de carro, cumo d’autocarabana, esta ye ua Strada para puristas i solitários, para famílias que páran bezes sien cuonta, seia porque nun ancóntran retas, seia porque an to l percurso, s’arranja adonde drumir i cumer bien. Quiero que quede solo l’eideia, na qual, tengo la certeza, muitos yá pensórun! Stórias i tiempos d'ouportunidades!

 

(português) ROTA DA ESTRADA NACIONAL 103

Pelo mundo fora há variadíssimas Estradas com percursos deslumbrantes. A mais icónica, é seguramente a “Route 66” nos EUA, que liga a cidade de Chicago no Estado de Illinois na costa atlântica, à cidade de Santa Mónica no Estado da Califórnia, na costa Pacífica, numa extensão total de 4000 Km.

Em Portugal o primeiro caso mediatizado foi a Estrada Nacional 222, que liga Almendra no concelho de Vila Nova de Foz Côa, serpenteando o Douro, até Vila Nova de Gaia, numa extensão total de 226 Km. O troço mais emblemático situa-se entre o Peso da Régua e o Pinhão, havendo quem o classifique, como a “Estrada mais bonita do Mundo”.

Ultimamente tem ganho notoriedade e promoção, a Estrada Nacional 2, que numa extensão de 740 Km, liga Chaves a Faro, rachando Portugal ao meio de cima a baixo.

E porque neste tempo de desconfinamento se discute a retoma do setor do turismo, vincando-se imensamente a grande oportunidade de incrementar visibilidade aos territórios do interior, dada a sua maior segurança sanitária, devida sobretudo à sua baixa densidade demográfica, queria despertar a atenção para o potencial que encerra a Estrada Nacional 103. Pelo Norte, estende-se entre Bragança e o Atlântico minhoto, mas cuja rota nós poderíamos desenhar, entre o ponto mais oriental de Portugal no concelho de Miranda do Douro, e o Oceano Atlântico em Neiva, no concelho de Viana do Castelo, com uma extensão total de cerca de 300 Km, que leva cinco horas de viagem à velocidade legal: tanto se podendo fazer de cá para lá, como de lá para cá!

Atravessa os distritos: Bragança, Vila Real, Braga e Viana do Castelo.

As Comunidades Intermunicipais: Terras de Trás-os-Montes, Alto Tâmega, Ave, Cávado, Alto Minho.

Os Municípios: Miranda do Douro, Vimioso, Bragança, Vinhais, Valpaços, Chaves, Boticas, Montalegre, Vieira do Minho, Póvoa do Lanhoso, Vila Verde, Braga, Barcelos, Esposende e Viana do Castelo.

As Áreas Protegidas: Reserva UNESCO da Biosfera Transfronteiriça Meseta Ibérica, Parque Natural do Douro Internacional, Parque Natural de Montesinho, Reserva UNESCO da Biosfera Transfronteiriça Gerês-Xurés, Parque Nacional da Peneda Gerês, Parque Natural do Litoral Norte.

Os Rios: Douro, Angueira, Maçãs, Sabor, Baceiro, Tuela, Rabaçal; Tâmega; Beça, Rabagão, Cávado, Neiva.

Ladeia as Serras: Montesinho, Padrela, Larouco, Gerês

É esta a verdadeira Estrada da Natureza Pura do cimo de Portugal, onde as curvas em U e respetivas contracurvas nunca acabam. Onde os vales fluviais com rios de água cristalina no fundo, alternam com as vistas largas do cimo das serras. Tanto para fazer de mota, como de carro, como de autocaravana, esta é uma estrada para puristas e solitários, para famílias que param imensas vezes, quer porque não encontram retas, quer porque em todo o percurso, se arranja onde dormir e comer bem. Quero que fique apenas a ideia, na qual, tenho a certeza, muitos já pensaram! Estórias e tempos de oportunidades!

 

 


Partilhar:

+ Crónicas