Carlos Ferreira

Carlos Ferreira

Die mundial de l perro: L PERRO BEZITO

(mirandés) Die mundial de l perro: L PERRO BEZITO

Zde nino, an casa de mius pais, siempre hoube perros. Éran eilhes ls depositários de ls mius miedos, quando, cun seis anhos, iba de madrugada a regar solico: i las queluobras, i l rugido de ls lhagartos a arrastráren-se antre las folharascas, ls pensamientos an lhobos i outras grimas que se scundien an cada selombra de ls carreirones de ls arressaios de ls adíles, que me lhebában até la huorta de la ribeira, antes de tornar a horas para nun perder la scuola.

Éran eilhes ls cumpanheiros de ls dies an que iba culas mulas i nun habie jolda.

Éran eilhes l speilho de las mies alegries, quando tornaba para casa cun coneilho ou perdiç nas alforjas, ou un rosairo de páixaros arrodiado al redror de l cachaço, que me fazie mais amportante q’un bitorioso general romano a antrar an Roma.

Quando, an 1999 fui pa las Stúrias a fazer l curso de l’Academie de la Lhéngua Sturiana, na buolta, al chegar a casa, conheci l nuobo membro que la família habie acabado d’aporfilhar: BEZITO. Tenerie el un més, la mie filha Alice de dous anhos i l miu filho Thibaut cinco, dambos habien assistido a la paridura de la perrica Pituxa.

Chorou durante to la nuite: naide drumie por bias de l cunselar: acabemos por drumir todos juntos. Chamemos-le BEZITO para honrar to ls perros que durante tantas centenas d'anhos guardórun ls ganados de las bezeiras comunitairas.

Tenie la quelor de las bacas mirandesas, ua mancha branca a mode gorbata, l rabo çaroto i pouco mais dun palmo d'altura: deixaba caier la puntica de las oureilhas i sorbie-mos cul sou mirar admirado, anquanto iba rodando la cabecica. Ua felcidade.

Teimando siempre an nunca respunder als nuossos chamamientos, sien nunca lhadrar, a la fin de dous meses, çcubrimos q’era xordo. A partir daquel die, criemos la purmeira lhéngua d'aceinhos para perros: funcionou de marabilha.

To ls dies iba a lhebar ls ninos a la scuola. Altibo, daba la buolta a la sala d’aula, cumprimentaba to ls amigos ninos i apuis salie. Iba anton a ber la bó de las eiras i apuis iba a ber ls abós de la pracica de la Frauga. A meidie tornaba a la scuola, i a las dues i a las quatro: to ls dies l mesmo ritual: acumpanhar ls ninos. Als deimingos iba cun l’abó a la missa i quando Thibaut cun siete anhos iba a ler l'eipístula, acumpanhaba-lo até al altar: sentaba-se als sous pies an posiçon de sfinge, miraba to la giente i apuis acumpanhaba-lo na buolta, cheno de proua pul duonho tan pequerrico, yá ler tan bien delantre de tanta giente. Era ua agenda de perro que nien bos cuonto.

Quando Amadeu i la família benien de fin de sumana, anroscabas-se-le als pies i subtraie-se-mos, até que la parentena se le fura ambora outra beç para Lisboua.

Quando fumos mardomos de la fiesta de Santa Bárbela, chubie-se cun nós pa l palco i sentado an posiçon de sfinge, tamien el s'afirmaba mardomo a parte anteira. To la giente de l lhugar lo conhecie. Fui heiroi de remiles d’abinturas. Cumpanheiro cumo nun houbo outro.

Sentaba-se muitas bezes ne l meio la rue a scruitar las aldragas de l cielo. A la fin d’uito anhos a morar cun nós, passou un carro apressiado que el nun sentiu benir!! Quedou deitadico. Dua oureilha saliu-le un filo burmeilho de sangre que fizo rigueiro... Choremos todos: inda hoije mos eimocionamos to las bezes q’amentamos nel!

Cumo alguien yá dixo: nunca tubo naide q’amostrasse querer-me tanto!

I ye esto, para siempre un perrico mudou la nuossa família i las sues mimórias felizes.

Carlos Ferreira 2017

 

(português) Dia mundial do Cão: o cão BEZITO

Desde criança, em casa dos meus pais, sempre tivemos cães. Eram eles os depositários dos meus medos, quando, com seis anos, ia de madrugada regar sozinho: e as cobras, e o rugido dos lagartos a arrastarem-se entre as folhas secas, os pensamentos em lobos e outros temores que se escondiam em cada sombra dos carreiros serpenteantes dos matos, que me levavam até à horta da ribeira, antes de voltar a horas para não perder a escola.

Eram eles os companheiros dos dias em que ia apascentar os animais e não havia companhia.

Eram eles l espelho das minhas alegrias, quando voltava para casa com um coelho ou perdiz no alforje, ou um cordão de pássaros pendurado à volta do pescoço, que me fazia mais importante que um vitorioso general romano a entrar em Roma.

Quando, em 1999 fui para as Astúrias fazer o curso da Academia da Língua Asturiana, na volta, ao chegar a casa, conheci o novo membro que a família tinha acabado de adotar: BEZITO. Teria ele um mês, a minha filha Alice dois anos e o filho Thibaut cinco, e ambos tinham assistido à paridura da cadelinha Pituxa.

Chorou durante toda a noite: ninguém dormiu para o poder consular: acabemos por dormir todos juntos. Chamamos-lhe BEZITO para honrar todos os cães que durante tantas centenas de anos guardaram os gados das vezeiras comunitárias.

Tinha a cor das vacas mirandesas, uma mancha branca como uma gravata, o rabo saroto e pouco mais de um palmo de altura: deixava cair a pontinha das orelhas e engolia-nos com o seu olhar admirado, enquanto ia rodando a cabecita. Uma felicidade.

Teimando sempre em nunca responder aos nossos chamamentos, sem nunca ladrar, ao fim de dois meses, descobrimos que era surdo. A partir daquele dia, criamos a primeira língua gestual para cães: funcionou de maravilha.

Todos os dias ia levar os meninos à escola. Altivo, dava a volta à sala de aula, cumprimentava todos os restantes amigos meninos e depois saia. Ia então visitar a avó que morava na eira e depois ia visitar os avós que moravam na praceta da Frágua. Ao meio dia voltava à escola, e às catorze e à quatro: todos os dias o mesmo ritual: acompanhar as crianças. Aos domingos ia com a avó à missa e quando o Thibaut com sete anos lia a epístola, acompanhava-o até ao altar: sentava-se aos seus pés em posição de esfinge, olhava para toda a gente e depois acompanhava-o na volta, cheio de vaidade pelo dono tão petiz, já ler tão bem frente a tanta gente. Era uma agenda de cão que nem vos conto.

Quando o Amadeu e família vinham de fim de semana, enroscava-se-lhe aos pês e subtraía-se-nos, até que a parentela se lhe fosse embora de novo para Lisboa.

Quando fomos mordomos da festa de Santa Bárbara, subiu-se connosco para o palco e sentado em posição de esfinge, também el se afirmava mordomo a parte inteira. Toda a gente da aldeia o conhecia. Foi herói de milhares de aventuras. Companheiro como não existiu outro.

Sentava-se muitas vezes no meio da rua a escrutar os pronúncios do céu. Ao fim de oito anos a viver connosco, passou um carro apressado que ele não sentiu vir!! Ficou deitadinho. De uma orelha saiu-lhe um fio vermelho de sangue que fez riacho.... Choramos todos: ainda hoje nos emocionamos todas as vezes que falamos nele!

Como alguém já disse: nunca tive ninguém que mostrasse querer-me tanto!

E é isto, para sempre um cãozinho mudou a nossa família e as suas memórias felizes.

 


Partilhar:

+ Crónicas