Carlos Ferreira

Carlos Ferreira

Cobid-19 i democracie: ricos i probes

(mirandés) Cobid-19 i democracie: ricos i probes

 

Sabemos que la Cobid-19 anfetou, i cuntina a anfetar, muita giente an to l mundo: probes, ricos, bielhos, nuobos, gobernantes, giente de l pobo... Mas, l cabresto de l coronabírus, nun se rebelou mui democrático, cumo dirie George Orwell an “Animal Farm”: delantre de l coronabírus somos todos eiguales, mas hai siempre uns que son mais eiguales q’outros!

Fala-se muito ne l grande bolco que lhebou l’eiconomie mundial, i l amprobescimiento giral que ben dende pa las pessonas de to ls países. Mas nun reciente studo, apurou-se por eisemplo, que ls 12 bilionários más ricos de Wall Street, zde que la pandemie global de l coronabírus ampeçou, cumo por magie, quedórun agora 40% más ricos que éran dantes. I hai berdades ounibersales que nun demúdan nunca: l’auga cuorre siempre al para baixo, a menos que se gaste einergie pa la bumbear!

Eiqui chegados, ben a talho de fouce, lhembrar ls 34 anhos que Pertual yá lhieba d’Ouropa, cula cunsequente amplementaçon de ls cincos quadros quemunitairos, i to la fartura de milhones an barda que zdende benírun para Pertual, cul oujetibo de criar coeson: mas las çtáncias antre l zambulbimiento de l lhitoral pertués i l sou interior, oumentórun: l’auga cuntina siempre a correr al para baixo, i nun hai presas que la reténgan eiqui, nien anstalaçon de bombas, que la fágan correr pa l lhado de ls que más percísan!

Para ajudar a resulber ls grandes problemas eiquenómicos de l pós cobid-19, l’Ouropa criou un “tiro de bazuca”, cun ua eimensa “pipa de massa” associada, a que chamórun “Plano de Recuperaçon i Resiliénça (PRR)”. Fala-se que para Pertual beneran 13 mil milhones d’euros, i a la cabeça, fúrun lhougo catibados 300 milhones çtinados al Fondo de Recuperaçon de l Algarbe. You nun tengo nada acontra l Algarbe, i acho que el até percisa, i que esses 300 milhones até seran pouco! Mas la mie pergunta a un milhon d’euros ye: porque nun fui tamien catibada ua parte grande de l bolho a poder ser solo ambestida ne l interior, que ye la parte de l território más probe, cun más problemas i caréncias struturales?

Ne ls anhos 50 de l seclo XX, dezírun als mirandeses que le íban a tirar l sou riu douro selbaige, para fazéren del uas barraiges i criar riqueza, i que tenerie tamien uas presas altas para que l’auga nun cuntinasse a correr al para baixo. Ua beç que acabórun las obras, ls de Lisboua ambentórun uns filos para podéren roubar todo, sien acá deixar nada, i l’auga cuntinou a correr al para baixo cumo dantes! Las cousas demúdan mui pouco, mas yá era tiempo que demudássen muito más!

 

 

(português) Covid-19 e democracia: ricos e pobres

 

Sabemos que a Covid-19 infetou, e continuará a infetar, muita gente em todo o mundo: pobres, ricos, velhos, novos, governantes, gente do povo... Mas, o cabresto do coronavírus, não se revelou muito democrático, como diria George Orwell em “Animal Farm”: diante do coronavírus somos todos iguais, mas há sempre uns que são mais iguales que outros!

Fala-se muito no grande trambolhão que levou a economia mundial, e o empobrecimento geral que veio daí para as pessoas de todos os países. Mas num recente estudo, apurou-se por exemplo, que os 12 bilionários mais ricos de Wall Street, desde que a pandemia global do coronavírus começou, como por magia, ficaram agora 40% mais ricos que eram anteriormente. E há verdades universais que não mudam nunca: a água corre sempre para baixo, a menos que se gaste energia para a bombear!

Aqui chegados, vem a talho de foice, lembrar os 34 anos que Portugal já leva de Europa, com a consequente implementação dos cincos quadros comunitários, e toda a enorme fartura de milhões que desde aí vieram para Portugal, com o objetivo de criar coesão: mas as distâncias entre o desenvolvimento do litoral português e o seu interior, aumentaram: a água continua sempre a correr para baixo, e não há presas que a retenham aqui, nem instalação de bombas, que a façam correr para o lado dos que mais precisam!

Para a ajudar a resolver os grandes problemas económicos do pós covid-19, a Europa criou um “tiro de bazuca”, com uma imensa “pipa de massa” associada, a que chamaram “Plano de Recuperação e Resiliência (PRR)”. Fala-se que para Portugal virão 13 mil milhões de euros, e à cabeça, foram logo cativados 300 milhões destinados ao Fundo de Recuperação do Algarve. Eu não tenho nada contra o Algarve, e acho que ele até precisa, e que esses 300 milhões até serão pouco! Mas a minha pergunta a um milhão de euros é: porque não foi também cativada uma parte grande do bolo a poder ser apenas investida no interior, que é a parte do território mais pobre, com mais problemas e carências estruturais?

Nos anhos 50 do século XX, disseram aos mirandeses que lhe iam tirar o seu rio douro selvagem, para fazerem dele umas barragens e criar riqueza, e que teriam também umas presas altas para que a água não continuasse a correr para baixo. Uma vez que acabaram as obras, os de Lisboa inventaram uns fios para poderem roubar tudo, sem cá deixar nada, e a água continuou a correr para baixo como antes! As coisas mudam muito pouco, mas já era tempo para que mudassem muito mais!

 

Foto: máscara covid-19 em ouro e diamantes com o valor de 1,5 milhões de euros.

 


Partilhar:

+ Crónicas